Real Madrid chuan England right-back Trent Alexander-Arnold chu Liverpool a contract a hman zawh hun, nipui bazar inhawn hunah free transfer in lak an tum a ni a. Mah se, Spain defender Dani Carvajal a inhliam vangin kum 25 mi hi January thlaah loh theih loha an lak a ngaih hmel ta thung. (Sport – in Spanish)
Liverpool leh kum 21 mi Jarell Quansah leh France centre-back Ibrahima Konate te contract thar chungchanga an dawrna chuan hmasawnna a nei chho mek. (Mirror)
Court of Arbitration for Sport in an hremna an tihhniam vangin French midfielder Paul Pogba chu Juventus nen indawr thar leh an tum a. Pogba hian Juventus tan a khel nawn leh mai thei. (Mail)
Season thara EPL game hmasa pasarihah vawi ruk ngawt tlawm bawk mah se Wolves chuan an manager Gary O’Neil ban an tum rih lova, insiam thatna hun pek leh rih an tum. (Telegraph – subscription required)
Manchester City manager Pep Guardiola chuan nuipui bazar inhawn lai khan Saudi Arabian club Al-Nassr in hlawh sang tak hlawh tura an sawm vangin an keeper Ederson an chan a hlau hman viau a. Mah se, Brazil international hi an hnena cham turin an him thei ta hlauh zawk. (Times – subscription required)
Season tluana an midfielder pawimawh Rodri a chawlh dawn vangin Manchester City chuan thlasik bazar inhawn hunah £80m sengin player thar lak an tum. (Football Insider, external)
West Ham chuan Leicester leh Newcastle forward Ayoze Perez chu Premier League ah hruai kir lehin an tlarhma thuam chak nan lak theih an inbeisei. Villa in kum 31 mi hi chhuah an phalsak dawn em tih a la chiang lo thung. (Caught Offside)
Manchester United in an manager Erik ten Hag an ban a nih chuan Old Trafford club hian intuai thar leh tura an mamawh ber chu Barcelona manager hlui Xavi chu nia hriat a ni. (El Nacional – in Spanish)
Barcelona an lo lan leh tak vangin Newcastle United in Lille striker Jonathan David lak an tumna chu a tlawlh mai ang tih a hlauhawm chho ta viau mai. (Shields Gazette)
Liverpool chuan Newcastle United leh Tottenham in lak tuma an hel mek kum 26 mi attacking midfielder Eberechi Eze chu Crystal Palace atanga lak tumin hma an la thar ve leh. (Football Insider)
Barcelona chuan season tawp ruala contract hmang zo tur Bayern Munich winger Leroy Sane an vil uluk hle. (Sport – in Spanish)
Premier League club atanga kum 18 mi Santos defender Joao Pedro Chermont ngaihven zingah Arsenal, Wolves, Everton leh Chelsea te an tel. (Caught Offside)
Juventus sporting director Cristiano Giuntoli chuan Serbia striker Dusan Vlahovic nen contract thar chungchanga an indawr thu a sawi. (DAZN, via Tuttomercatoweb)