Gauri Khan leh Shah Rukh Khan te hi kum 33 dawn an innei tawh a, sakhaw inang lo- Muslim leh Hindu an ni. Gauri hian a pasal sakhuana a zahsak rualin, a inlet dawn lo, tih a sawichiang.
An inneih phat khan an chhungte ve ve an hlauthawng. A bik takin, a hmeichhe lam chhungte! SRK hian a nupui hi a convert mai ang, tih chu an sawi tam pawl leh hlauhruk em em thin a ni.
Gauri Khan chuan, “Kan inkarah hian ‘inrualkhaina’ a awm. Shah Ruk-a sakhuana hi ka zah em em. Chutih rualin, a sakhuaah ka inlet ang, tihna a kawk lo.
“Mi zawng zawng hian an rinna lamtluang an zawh turah ka ngai a, inzahtawnna a awm ngei turah ka ngai bawk. Shah Rukh hian ka sakhuana zah lo zawngin a awm ngai lo,” a ti.