Veteran actor leh politician Mithun Chakraborty chuan a vun rawng vangin Bollywood-ah a dam khawchhuak dawn lo, tiin an hrilh niin, nimin piaha Indian film award ropui ber Dadasaheb Phalke Award hlan a nih hnu-ah a sawi.
“Mi tam takin vun rawng hang tan Bollywood-ah dam khawchhuahna a awm lo, tih min hrilh a. Pathian hnenah tawngtaiin, “Ka vun rawng min thlaksak thei ang em,?’ tih hialin ka tawngtai nghe nghe.
“Amaherawhchu, a tawpah chuan thil theih loh a ni tih hriain, ka nihna ang ang ka pawm hmiah mai a. Vun rawng aiin dancing skill lamah ka focus tak tak a, mipuiin ka vun rawng hmuh kain, ka talent an hmu ta zawk a ni,” tiin Mithuan hian a sawi.
70th National Film Awards hi October 8, 2024 khan Vigyan Bhawan-ah semchhuah a ni a, he hunah hian India President Murmu-in award hlut hlawh ber hi Mithun kutah a hlan.