Chelsea in Osimhen lak tumin ngaihven bawk mah se Galatasaray chuan Napoli atanga an hawh mek Nigeria forward Victor Osimhen hi a ngheta lak tumna an nei lo. (Teamtalk)
Napoli director Mauro Meluso chuan Osimhen hi a man phu tawka dawrtu an awm a nih chuan a chhuak thei dawn tih a tichiang. (Metro)
Liverpool chuan an right-back Trent Alexander-Arnold an chan thut a nih pawhin Bayer Leverkusen defender Jeremie Frimpong, Monaco defender Vanderson leh Fiorentina midfielder Michael Kayode te chu lak an duh zinga mi tih an nemnghet. (Caught Offside)
Hetihlai hian Liverpool in contract thar chungchanga England international Alexander-Arnold indawrna chuanthenkhatah hmasawnna a nei tlat thung. (Football Insider)
Saudi Arabia pan tur angin sawi ni bawk mah se Italy midfielder Jorginho chu Arsenal tan a theihna zawng zawng hlain a la insawrbing zui zel thung. (Caught Offside)
Manchester United chuan Benfica atanga Spanish defender Alvaro Fernandez lei let leh theihna an neih chu hman ngei an tum. (O Jogo – in Portuguese)
Manchester United thuneitute inhmukhawm chuan Chelsea manager hlui Thomas Tuchel chu Erik ten Hag hmun ruak luahtu tura rinkai ber a ni tih an sawi. (Independent)
Barcelona in an forward pawimawh Erling Haaland an la a nih chuan Manchester City chuan Sporting Lisbon leh Sweden striker Viktor Gyokeres lak an tum ve thung ang. (Football 365)
Newcastle chuan Bournemouth leh Ghana forward Antoine Semenyo lak tuma intlansiaknaah hma an hruai. Kum 24 mi Semenyo lak tumin EPL club te an inel hlawm niin sawi a ni. (Teamtalk)
Liverpool chuan a hma lam hun chiang lo anga sawi Netherlands centre-back Virgil van Dijk chu contract thar chungchangah inremna an neihpui niin an sawi nawn leh. (Football Insider)
Reds manager Arne Slot chu bazar inhawn leh hunah an central defence thuam chak a duh a, defender thar lak tur an dap zui zel. Liverpool in lak tuma an hel zingah Sevilla’ defender Loic Bade leh Sporting Lisbon defender Goncalo Inacio te an tel. (Caught Offside)
Manchester United manager hlui Ole Gunnar Solskjaer chu Denmark in an ram team enkawl turin sawm bawk mah se club lian zawk ten an head coach tur an sawm vangin a hnar.(Tipsbladet – in Danish)
Wolves chuan an manager rawih mek Gary O’Neil ban tura thutlukna an siam thei a nih chuan Aberdeen manager Jimmy Thelin chu an manager thar atan rawih an tum. (Sun)
West Ham chu kum 18 mi English goalkeeper Fin Herrick nen contract thar chungchangah an indawr tan. (Football Insider)
Colombian Duvan Zapata a inhliam vangin Torino chuan Napoli forward Giovanni Simeone lak an tum dawn. (Tuttosport – in Italian)
Senegal midfielder Cheikhou Kouyate chu Leeds United in free agent ni mek zinga lak an tum tlemte zingah a tel. (Yorkshire Evening Post)