- Ruata
India ram mipui nawlpui leh chhungkaw tam takin an ngainat leh an lei tam, bike man tlawm lam huangah TVS chuan an bike Radeon chu all-black variant an tlangzarh thar a, Rs. 59,880 (ex-showroom) man a ni.
He bike hi tunlai Mizorama bike tam tak kan hmuh te man nena khaikhin chuan tlawm tak a ni a. Bike tui heh lo, tangkai leh tlo bawk si huanga mi niin TVS in helam bike leitute tana mawi zawk leh black edition an tichhuak hi thil lawmawm tak a ni a. A man to ho chauh tih vul chuk chu market lam ngaihtuahin a tha ber lo tih an hrechiang tih a lang a ni.
TVS Radeon thar lo chhuakah hian a man tlawm ber chi (base variant) hi a hma aiin Rs. 2,525 in an rawn ti tlawm bawk a. Metal black paint rawng a rawn pu a, a headlight cover, grab rail, rear shocks, bend pipe leh exhaust te an rawn ti dum bawk a. Rawng sen leh var inpawlhin an rawn cheimawi bawk a ni.
Rawng duhthlan tur hrang hrang – Titanium Grey, Metal Black, Starlight Blue, Royal Purple, dual-tone Blue Black leh dual-tone Red Black te a awm a. A kentel hrang hrang zingah hian twin-pod analogue instrument cluster a rawn nei a, hei hian thil hrang hrang – fuel gauge, odometer, speedometer, eco/power indicator tihte a rawn lantir a ni.
A khawl lamah chuan 109.7cc, single-cylinder, fuel-injected engine, 4-speed gearbox nena thlunzawm a hmang a. 8.08PS power chu 7,350rpm-ah a pechhuak thei a, 8.7Nm torque chu 4,500rpm-ah a pechhuak thei bawk a ni.