AZL: Ni li awh tur Annual Art Exhibition chu nimin khan DIPR Director C. Lalnunkima’n a hawng.
Mizoram Art Development Society (MADS) buatsaih, he Art Exhibition hi Lianchhiari Run, DIPR building, Treasury Square-ah neih niin, Mizoram hmun hrang hrang atangin artist 54-in lemziak leh lem tuk 97 lai chu mipui hmuh turin an phochhuak.
Exhibition hawnnaah hian MADS leh I&PR department tangkawpin an buatsaih painting competition lawmman semna neih nghal a ni a, lawmman hian certificate, sum fai leh trophy a keng tel.
Competition hi category thum a then niin, Open Category, Middle school leh High school a lawmman la pha chin te lemziak chu he exhibition-ah hian tar chhuah a ni bawk.
December 6, 2024 thleng awh tur Art exhibition hi, nitin dar zing dar 10 atanga tlai dar 4 thleng a tlawh theih a ni.