Tun dinhmuna rimawi khawvela lar ber zingami Taylor Swift chu fiamthu thawh nan a hmang tawh dawn lo niin, Hollywood actress pakhat chuan a sawi.
Emma Stone hian kumtir lama Golden Globes a dawn zawh hnu lawkah ngam tlak tiin, fiamthu hmangin tawi angreng takin sawi keuh mah se, a vuaklet a na hle a, social media kaltlanga nasa taka chuk rawn a hlawh vangin a sim hmak, a ti.
Variety magazine-in a kawmnaah ‘The Poor Things’ changtunu hian award a dawn zawh hnu backstage lamah khan press conference nei zuiin, TS-i chungchangah siamthu a thawh zauh a, award a dawn lai leh lemchan thiam a nih vanga TS-in kutbeng a lawm chungchang an zawhna chu, “What an asshole, am I right?” tiin fiamthu hmangin a chhanglet.
Hei hi fiamthu lek mah ni se, pop singer fan te tan ‘digest’ a harsa hle a, hrethiam thei lovin, tawngkam na tak tak leh hriat hrehawm bawk si hmangin fan te’n Emma Stone hi an umzui.
“Khati ang fiamthu kha ka thawhleh ngai tawh lovang, a chhan chu ka sawi tum leh sawi dan ni lo ang taka social media leh hmun hrang hrang a thupui dang dang nena ka hmuh tam tak em vang a ni,” tiin TS-i thiantha, Emma Stone hian a sawi.