Aizawl: Inrinni khan Chief Secretary Khilli Ram Meena kaihhruaiin DRDO Conference Hall, Keifangtlangah, Champhai district-a sorkar pisa hotute an thukhawm.
Thutkhawmah Chief Secretary Meena chuan Champhai district-a sorkar pisa hotute nen inkawmna hun tha tak an nei thei chu lawmawm a tih thu a sawi a. Champhai district chu hmun nuam tak a nih thu sawiin, district pawhtu kawngpui tha tak an nei chu a lawmawm hle tih a sawi a. Champhai mawina leh kawng thate chuan mipuite hmasawnna leh nun awlsamna thlen se a duh thu a sawi bawk.
Champhai Bawrhsap VL Remliana chuan chief secretary-in pisa a luah hnu hun reilo tea Champhai district a tlawh chu lawmthu a sawi a. Champhai district dinhmun hrang hrangte a sawifiah bawk.
He hunah hian Champhai district chhunga Handholding Policy kalpui dan te, Myanmar ramri chungchang te, bawlhhlawh sawngbawl dan (Solid Waste Management) te, African Swine Fever chungchang te, eng (electricity) chungchang te leh hriak atana sawr chi thlai chungchang te sawiho a ni.