Aizawl: Armed Forces Flag Day, 2024 puala vehbur khawn kaltlangin nimin chawhma khan Mizoram Larsap Dr. Hari Babu Kambhampati chuan Armed Forces Flag Day Fund (AFFDF) atan tanpuina sumfai a thawh.
Dr. Kambhampati hian Armed Forces Flag Day puala vehbur khawntu Directorate of Sainik Welfare & Resettlement hotute hi Raj Bhavan-ah lo dawngsawngin sipai leh an chhungte zinga chhawmdawl ngaite pualin tanpuina sumfai a lo hlan a ni.
December 7 kha Armed Forces Flag Day niin hemi pual hian sorkar hotulu leh pisaten tanpuina sumfai an hlan bakah sum tuakna flag day material zawrhte an leisak a ni.
Hetih hun lai hian larsap hi state pawna a zin lai a ni a, remchan zawkna avangin tanpuina sumfai hi nimin khan a hlan ta zawk a ni.