I&PR department chuan MJA member te tan press tour buatsaihsak leh in, November thla tawp kar khan Sikkim khawpui Gangtok leh a chhehvel hmun hrang hrang tlawh a ni a, tourist hip nasa an ni bawk a, an ram boruak chu a dangin, ramdang leh state dang atanga mikhual an ngah hle.
Thil tam tak, kan ram tana awh deuh deuh a kalten kan nei haw vek a, chung zawng zawng zinga pakhat ka awh ve em em chu lirthei ke hnih nei a tlem em em mai kha a ni.
Kar khat kan cham chhung khan lirthei ke hnih nei tlan kan hmu mang lo a, lirthei ke pali nei ho erawh chu traffic jam siam tham khawpin a tam thung. Heng ke pali nei ho pawh hi tourist ho hman a ni tlangpui bawk.
State capital a ni a, lirthei ke hnih nei chu tlangval tlawngawl leh an nulate chuan an thawhchhuahpuiin, an leklam fer fur kan ring a, mah se a awm mang tlat lo. Bazar hmun leh office thenkhatah kha chuan parking tha tak awmin, lirthei ke hnih nei ho kha chu park a mual mual chu a awm ve ngei mai a, mah se khawpui chhungah an tlanchhuak mang tlat lo kha mak tak a ni.
Kar khat kan cham chhung khan lirthei ke hnih khalh hmeichhia kha pakhat kan hmu a, chu pawh forest department a thawk, form ha thlap a ni. An lirthei ke hnih nei hoin traffic jam a siam pha miah lo kha a mak hle.
An state khan lirthei ke li nei an uar a, office leh zirna inte khan bus an nei tlangpui niin ka hria a, kha’ng hote kha an tana channa remchangah an lo chang mai a, khawpui chhung traffic jam pawh kha awm ve bawk mah se, a rei lovin an traffic police te an hahdam phah hle.
Kan rama tih ve theih leh an chetphung anga chet ve a chakawm a, tlangram khaw kawng nei ve tho an ni a, khami kawngah kher kha chuan entawn ve chi tak niin ka hria.