AZL: December 13 thleng neih tur, Mathematical Olympiad Exposure Camp chu nimin khan School Education Minister Dr Vanlalthlana’n a hawng.
Department of Mathematics, Pachhunga University College buatsaih hawnnaah Dr Vanlalthlana chuan mathematics chu ngaihtuahna tihriamtu a nih thu a sawi a. Engineering, Science, Commerce leh Economics lamah pawh mathematics zirna chhunzawm turin mathematics thiam a ngai tel tih a sawi. PUC-in camp pawimawh tak a buatsaih chu tha a tih thu sawiin camp atangin zirlaiten mathematics-ah phurna an neih ngei a beisei tih a sawi.
Mathematical Olympiad Exposure Camp-ah hian sikul 16 atangin pawl 9, 10 leh 11 zirlai 90 lai an tel.