Mizo Youth Icon star J Lalrosanga (Rs-a) chuan a single video hmasa ber chu December 6, 2024 khan a tichhuak a, a hit rem rem hle.
RS-a music video hmasa ber chu ‘Fuh Chiang Lo Maw’ tih hla a ni. He hla hi Tommy L Pachuau a hla hit niin, HC Sanglura phuah a ni a, kumin Youth Icon intihsiakna neih a nih lai khan RS-a hian a rawn hit pui leh hle.
‘Fuh Chiang Lo Maw’ music video hi Tommy Rosangliana direct a ni. RS-a hian nakkum March thla vel thleng programme a neih full tawh avangin, he music video shooting nei tur hian ni hnih chiah hun an nei. Hemi hun chhung hian shooting engkim an nei zo vek a ni.
RS-a debut single ‘Fuh Chiang Lo Maw’ music video hi, an premiere atanga ni khat chhungin mi nuai 5 velin an view hman. Hemi hnua million view nei tling tur hian darkar 17 leh minute 18 vel chiah mamawh belh anga sawi a ni. Hriat theih chinah, Mizo rimawi khawvela Youtube-a million views nei rang ber record a rawn siam ta a ni.