Delhi assembly inthlan turah Aam Aadmi Party (AAP) chuan Pathianni khan an candidate tur puan hnuhnung ber an puang a, hming 38 lang zingah chief minister hlui leh an hotupa ber, Arvind Kejriwal-a pawh a tel.
Party convenor Kejriwal-a hi New Delhi bialah Sandeep Dikshit nen an inkhing dawn a, ani hi chief minister vawi thum lo ni tawh, Sheila Dikshit-i fapa a ni.
Chief Minister Atishi will chu Kalkaji bialah a ding dawn a. Minister ni lai, Saurabh Bharadwaj leh Gopal Rai te chu Greater Kailash leh Babarpur bialah an ding ang.
Som Dutt-a’n Sadar Bazar-ah a chuh ang a, Imran Hussain chuan Ballimaran-ah chuhin Raghuvinder Shokeen chu Nangloi Jat bialah a ding dawn a. Mukesh Kumar Ahlawat chu Sultan Pur Majra bialah leh Satyendra Kumar Jain chu Shakur Basti bialah a ding ang.
Rorel lai, AAP hian kum 2020 inthlanah khan Delhi-a MLA bial 70 awmah bial 62 zet lain hneh takin sorkarna an siam a ni.
Tunah hian inthlan puan a la ni lo va, dan pangngai ang chuan kum thar tir lamah an inthlang tura ngaih a ni.