AZL: Thawhtanni zing khan India ram hmun dangte rualin Vijay Diwas (Hnehna Ni) pualin War Memorial, Treasury Square-ah Larsap Dr. Hari Babu Kambhampati hovin sipai huaisen, ram tana nun hlantute hriatrengna leh zahna lantir nan pangpar dah a ni.
Vijay Diwas pual hian Larsap Dr. Kambhampati chuan hma hruaiin, sipai huaisen martarte zahna lantir nan War Memorial-ah pangpar dahin zahna chibai a buk a. Chief Minister Lalduhoma leh Home Minister K Sapdanga leh mi pawimawh dangten zahna lantir nan pangpar an dah bawk.