Aizawl: ECHO India leh Directorate of Hospital & Medical Education, Mizoram chuan nimin khan thawhhona thuthlung, Memorandum of Understanding (MoU) an ziak.
DHME Auditorium-a MoU ziahah Dr. Lalthlengliani, Director, DHME chu signatory niin, Dr. Robert L. Khawlhring, SNO, DMHP leh May Zodinsangi, Executive, ECHO India ten an tel pu a. Virtual hmangin ECHO India dignatories – Dr. Sandeep Bhalla, Vice President, Ms Paromita Das, General Manager leh Dr. Purnima Parashar, Manager ten an tel pui bawk.
ECHO India hi mi mal emaw pawl angte pawha sum siam nana din a ni lo va. Project Echo-in a tum ber chu hriselna lam te, zirna lam leh thildang atana hmasawna/tihchakna tura a duan a ni.
He pawl hian he thil tum healthcare professional leh educator-te tan capacity building programme siamsak leh hlenchhuah hi a tum ber a ni a. ECHO India-in thil thar a siam ‘HUB & SPOKE’ Model of learning-ah hian mithiam team pakhatin hub hna an thawk a, mithiam rualte hmang chuan zirlaite chu zirtirna pe in a theih ang ang an vilzui thin bawk.
He hmalakna hi digital infrastructure hmasawn tak hmanga tih awlsam a ni a, chu chuan hmasawn a daih rei leh tehna tha zawkin hman inzirtirna chu a man tlawm zawkin a chhawp chhuak a ni.
Echo India hian Ministry of Health & Family Welfare (MoHFW) leh State 26-a NHM te, Municipal Corporation, Nursing Council leh India rama Medical Insitution changtlung tak takte nen an thawk ho mek a. An thawhpui lian tak takte zingah AIMMS, NIMHANS, NITRD, NICPR, TATA Memorial Hospital leh PGIMER an tel.