Aizawl: Chief Minister Lalduhoma hovin 16th Finance Commission chhungah Mizoram State University leh Mizoram Engineering College kalpuina tur ruahmanna siam.
Nilaini khan chief minister hovin Higher & Technical Education hmachhawpte sawiin CM Conference Hall-ah an thukhawm a. Mizoram State University hi kum 2035-a neih fel hman a ngaih avangin 16th Finance Commission chhungah sum ruahman tum a ni a. Chutiang bawkin Mizoram Engineering College kalpuina tur pawh hi 16th Finance Commission-ah bawk ruahmanna siam niin, kum 2026 Academic year atanga class kalpui tuma inbuatsaih ni se, an ti.
Thutkhawmah hian NIT Mizoram campus sak meka forest clearance chungchang te, New Education Policy, 2020 anga Mizoram State University din dan tur te, Mizoram Engineering College, Pukpui, a taka kal thei tura buatsaih dan turte bakah Mizoram Polytechnic, Lungleiin harsatna a tawh mek te an sawi ho bawk.
He hunah hian Home Minister K. Sapdanga, PWD Minister Vanlalhlana, H&TE Minister Dr. Vanlalthlana, P&E Minister F. Rodingliana, PHE Minister Prof. Lalnilawma leh sorkar mi pawimawh dangte an tel.