LESDE, Education leh HTE thukhawm

Aizawl: Mizoram Youth Commission (MYC) leh HCL Technologies Limited ten thawhhona thuthlung an lo ziah tawh bawhzuina kal zelah, nimin khan MYC Office-ah LESDE Department, School Education Department leh Higher & Technical Education Department te an thukhawm.

Sorkar thuchhuahin a tar lan danin, HCL Tech hi technology company niin, ram hrang hrangah an inzar pharh a. Class-XII zo tawh te tan training an pe thin a. IT Role atan thla ruk atanga thla 12 chhung training leh Associate Role atan thla thum atanga thla 12 chhung an pe thin a, training chhung hian stipend an pe thin bawk a ni. Training zo te tan hian HCL-ah hna a pe nghal thin a, graduation course online-in a zirtir thin bawk.

Thutkhawmah hian he hmalakna hi Mizo thalaite tan programme tha tak a lo nih ngei an beisei thu member te chuan an sawi a. Chumi atan chuan MYC leh a kaihhnawih department pawhin theihtawp hmalak an tum thu an sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427