Aizawl: Mizoram Police leh Intelligence Agency thawkdun chuan Mamit district chhunga Saithah khaw pawnah silai leh a mu thahnem tak an man.
An ralthuam man te hi AK-47 paruk leh kartut (cartridge) 10,050 bakah a magazine 13 a ni.
Thudawn danin, hemi kaihhnawihah ralthuam neitu nia puh mi panga man tel an ni a. An man zingah hian Myanmar-a inkulh, Chin National Front (CNF) hruaitu langsar tak pakhat a tel.
Mizoram Police-te chuan West Phaileng Police Station, Mamit District-ah thubuai an ziak lut nghal a ni.