Aizawl: AH&Vety Minister C Lalsawivunga chuan Thenzawla AH&Vety farm-ah kum 2024-ah sorkar hmalaknain ran chaw chinna hmun chu tin 127-ah tihzauh a ni tawh tih a sawi.
Nimin khan Vety Minister hian Thenzawla AH&Vety farm a tlawhnaah ram acres 769 zeta zau Thenzawla AH&Vety farm atana bul lo tantu leh lo enkawltu hmasate fakin, “Ran vulhtute pawhin he lai hmun hi an chhawr tangkai hle a, chutih laiin, hei aia an chhawr tangkaina tur hian hma kan la zel dawn a ni,” a ti.
Vety minister chuan tin 57-a zau ran chaw chinna hmun chu sorkar hmalakanain kum 2024-ah chuan tin 70 hmun siam belhin, tin 127 hmun zeta zau rawn chaw siamna hmun an nei tawh tih a sawi a. Ran chaw hi a ro (dry) hralh chhuah theih tura peih fel a nih tawh thu leh kg 1,50,000 zet thar chhuah theih beisei a nih thu a sawi.
C Lalsawivunga chuan ran vulhtute awlsam zawk nan ran chaw hi Thenzawl atangin Selesih AH&Vety farm-ah lak phei dan ngaihtuah mek a nih thu a sawi bawk.
Minister hian Zo-Sial humhalhna tur atana din Sial Farm hmunhma tlawhin, hma thar lakna hrang hrang a enfiah bawk. He Sial farm ah hian tun dinhmunah Zo- Sial pariat vulh mek a ni.