Aizawl: Commerce & Industries Minister F. Rodingliana’n Kawlkulh Handloom Pocket leh Ngopa Handloom Pocket huam chhunga puantaha eizawngte tan National Handloom Development Programme (NHDP) hnuaia puantah in sak tanpuina dawngtute hnenah tanpuina a hlan.
Nilaini khan Centenary Hall, Gatekawn, Kawlkulh-ah Kawlkulh Handloom Pocket hnuaia benficiary mi 27-te hnenah tanpuina hlan hun hman a ni a. Ngopa Handloom Pocket hnuaia beneficiary mi 21-te hnena tanpuina hlanna hi Teikhang Community Hall-ah nimin khan hman a ni thung.
NHDP hnuaia puantah in sak tanpuina mi 48-te hnenah hian first installment atan Rs. 50,000 theuh minister hian a hlan a ni.
Minister chuan tanpuina dawngtute chu hmathlir thui tak nei tur a chahin puantah ringawt loa a hralh chhuahna tur market thlenga ngaihtuahna seng turin a chah a. |anpuina dawngtu, Kawlkulh leh Ngopa Handloom Pocket huam chhunga puantahtute chu hma sawn zel turin intelkhawm that a pawimawh thu sawiin, sorkar nena indawrna kawngahte, a hralhchhuahna tur market ngaihtuah kawngah te inlungrual turin a chah.