Los Angeles kangmei vanga chhiatna tuarte tan rimawi khawvela mi lar leh hlawhtling ber ber te an pen chhuak dawn e.
He kangmei chhuak avanga vanduaina tawkte tan FireAid concert buatsaih a ni dawn a. He concert atanga sum hmuh chhuah zawng zawngte chu Southern California khawtlang din tharna tur leh kangmei avanga chhiatna thleng tur venna tura hmalakna atana hman tura tih a ni.
FireAid concert-ah hian lineup tur pawh a chiang chho mek zel a. Billie Eilish leh Finneas, Earth, Wind & Fire, Gracie Abrams, Green Day, Gwen Stefani, Jelly Roll, Joni Mitchell, Katy Perry, Lady Gaga, Lil Baby, Pink, Red Hot Chili Peppers, Rod Stewart, Sting, Stephen Stills, Stevie Nicks leh Tate McRae te chu an perform dawn tih a chiang tawh a.
Anni bakah, tui let hnua a vawi khatna atan Dave Matthews Band leh John Mayer te’n stage khat luahin special performance an nei dawn.
Concert hi ntuit Dome leh Kia Forum-ah te January 30 khian beih tur a ni a. He concert-a perform tur artists, special guests leh lineup te pawh a awm belh zel dawn a ni.
Hetih lai hian, California-a concert an buatsaih chhim ve thei lo ram dang mi tan pawh tanpuina sum a thawh theih dawn, FireAid chuan Apple Music leh Apple TV app, Max, iHeartRadio, KTLA+, Netflix/Tudum, Paramount+, Prime Video leh Amazon Music Channel kaltlangin a LIVE dawn a ni.