- Dr. JT Vanlalngheta; Ziah Rún, Zonuam East
Vanglaini Chanchinbu Inrinni January 18, 2025-a chhuak ‘Ziakmite tân’ tih thu ziah kha a thain a ngaihnawm hle mai; mahse, tih sual palh tlem te erawh a awm: ‘at so suh’ tiha ‘a’ chunga thlukna kan dah dawn chuan ‘a’ hi ri sang tur ni lovin, ri kuai sei ‘middle (long) sound a ni zawk e. At so suh tiha ‘at’ leh ‘A tawng pang pang mai tiha, ‘pang’ hnuhnung zawka ‘a’ hi a rik dan chu a inang chiah zawk a ni (Ref: RZC’s ZoPhonbol in Mizo tawng Thumal Thar by ZOPPEN CLUB (Prof. Laltluangliana Khiangte et al) & JT’s BritAm Mizo-English Dictionaries). ‘At so suh’ tiha ‘a’ chunga thai chhoh (á) kan dah chuan ri sang sei (sáng) niin, ‘Vanglaini’ tih thu mal syllable pahnihna ‘lai’ tiha ‘a’ rik dan (lái) nen hian a inang chiah a ni.
‘Ziakmi’ tih pawh hi ‘Ziak mi’ tia inzawm lova ziah ni bawk se. He ka thu ziahah hian thu ziah a chian zawk nan, ka sawi tum takah lo chuan thukna ka dah lo vek a, chhiartuten in lo hre thiam mai dawn nia.