Aizawl: Higher & Technical Education Department-a Commissioner & Secretary H Lalengmawia chuan nimin khan HTE, Directorate Office tlawhin thawktute hriat tlan tur thu pawimawh tak tak sawiin fuihna hun a hmang.
Office a tlawhnaah hian H Lalengmawia chuan ramin a mamawh em em chu zirtirtu tha a nih thute, zirtirtu tha nei tur chuan a enkawltu department-in zirtirtute hmakhua thlir thiam a ngaih thute, an tana theihtawp chhuah a thawh a tul thute sawiin, mipui rawngbawltu an nihna hre thar turin a chah a. Anmahni dawrtute theihtawp chhuaha lo ngaihsak turin a chah.
H Lalengmawia chuan mi inang lo tak tak ni mah ila, inhrethiam tawna inngaihsak tlang turin thawktute fuihin, an hna theuhte tikhawtlai lova mi dangte harsatna sukiang tura hna thawk turin leh, mipui tana awm an nih angin an mahni dawrtute theihtawp chhuah a tanpui thin turin a fuihin, a bikin promotion chungchangahte tun aia chak zawka hna a kal theih nan tan la tlang turin a sawm.
Thawktu zawng zawngte anmahni hna theuhte theih tawp chhuaha tawk theuh tura chahin H Lalengmawia chuan, “Kan hna thawh theuhte hi a sang emawm sang lo emaw, kan theih tawk theuh chhuaha kan thawh chuan miten hmusitin min en hniam thei lo,” tiin, mahni hna mai bakah mahni chhungkua ngaih pawimawh thar a tul thu a sawi bawk.
Commissioner & Secretary hi K. Lalhmangaihzuala, Joint Secretary leh Zahmingliana, Under Secretary, ten an tawiawm a ni.