Aizawl: Mizo Hnamro Chawisang Pawl, Jail veng, Dawrpui chuan vawiin hian an kum 50 tlin an lawm dawn.
Golden Jubilee lawmna inkhawm hi Hnamro Zawlbuk, Dawrpui-ah chawhnu dar 1-ah tan a ni ang a; bialtu MLA, Minister of State B. Lalchhanzova leh AMC-a bialtu Executive Corporator B. Lalawmpuii ten an hmanpui ang. Tlai-ah Golden Jubilee ruai thehin, zan lamah Hnamro Chhangban Zan an hmang dawn bawk.
Mizo Hnamro Chawisang Pawl hi January 4, 1975 zana nu leh pa leh thalai kalkhawmten ‘Nun Siam Tha Pawl’ tih hmingpu-in an din a. January 28, 1977-ah Mizo Hnamro Chawisang Pawl tia thlak a ni a. March 11, 1976 ah membership fee an khawn tan a, kum 1985-ah sorkarah an inziak lut a ni.
He pawl hi khawtlang nuna sualna chi hrang hrang – zu leh sa, hmeichhe buan chaklo (KS) ten khawtlang an chiahpiah nasat avanga khawtlang thian thianghlim tura din a ni a. Dawrpui VC leh Dawrpui |halai Pawl (D|P) te nen tang hovin hemi kawngah hian hma an la thin.
Zonun zemawi, aia upa zah leh tlawmngaihna thangthar nuna chawinung zel tura hma lain, veng mamawh – electric eng, step leh kawng tha, tuikhur siam, vantlang tana tui connection leh thil dangah sorkar puihnain hma an la thin bawk.