Aizawl: Village Council/ local council inthlan lo awm tur atana election duty neite vote thlakna tur ballot paper semchhuah leh inthleng, exchange for ballot papers chu Aizawl DC Conference Hall-ah nimin khan neih a ni.
He hunah hian election-a duty-ten an duty-na hmuna vote an thlakna tur ballot paper hman tur pekchhuah a ni a. An duty-na hmun (district) theuhah vote an thlak theihna turin dilna theh lutte tan ballot paper hi an vote neihna district theuhten an buatsaihsak a. He ballot paper hi district tina nodal officer, Aizawl-ah kengkhawmin voter-in vote a thlak theih nan an hawpui lehnghal.
Voter on Election duty-te hian February 6, 2025 atangin an duty-na hmun district theuhah vote an thlak ang a, hei hian an bial theuha chhiar turin polled ballot paper chu February 8, 2025 khian Aizawl DC office-ah inhlanchhawn a ni leh ang.
He hun hi Lalmuansanga Ralte, Deputy DEO, Aizawl-in a kaihruai a, State Nodal Officer/ Co-ordinator V. Lalmuanpuii enpuina hnuaiah exchange of ballot paper hi neih a ni.