Ni e, a awm dawn! A awm dawn tak tak!
Black Sabbath khaipa Ozzy Osbourne chuan an band in kumin hian final show neih ngei an tum thu a sawi a, hei hi kum 20 hnua an band member te kim lehna hmasa ber a ni dawn tih a sawi bawk.
British rocker chuan a metal band te nen July ni 5-ah Birmingham, England-a Villa Park-ah nikhat show an neih tur thu hi a sawi a, hemi hunah hian Metallica leh Slayer te pawhin an telpui dawn thu a sawi.
Ozzy-ah chuan social media lamah an show neih tur thu hi tarlangin, a hmunhma pawh a duhthusam a nih thu a sawi a, ‘ka pianna hmun hnena ka thilpek let ve hlu ber a ni dawn, a ti hial.
Black Sabbath hi kum 1968 khan din niin, metal band hlawhtling leh hralh kal tak a ni chho a, tun tum show an neih tur hi an line-up original te kum 20 hnua an din ho lehna hmasa ber tur a ni bawk.
Ticket hi February 14 atanga zawrhchhuah tura ruahman niin, show atanga an sum hmuh zawng zawng hi charity atana pek vek tura tih a ni.