Excise and Narcotics Department (END) chuan Aizawl leh a chhehvela dan phal lohva zu siamna hmun dap chhuak a, beihpui an thlakah zu siamna hmun eng emaw zat an tihchhuah bakah, zu siamna kaihhnawih an man nual bawk.
Vawiina Mizoram chhunga Local/Village Council inthlanna muanawm leh felfai neih a nih theihna turin, END chuan nimin nileng khan Aizawl chhehvel (Phunchawng leh Rangvamual) rama dan lova zu siamna hmun dapchhuakin beihpui an thlak a, zu siamna hmun 48 an tichhia.
Zu siamna hmun bakah a kaihhnawih zu bilh lai tin 4,820, rakzu litre 140, zu siamna bel 70, zu siamna dawidim kg 2 an man bawk.
Local/Village Council inthlanniah hian zu leh ruihhlo eng ang chi pawh chelek lo turin END chuan mipuite a ngen.