Aizawl: Mizorama an awm hun a tawp tawh avangin nimin khan 3rd Battalion Assam Rifles ten Lammual leh a chhehvela an awmna an chhuahsan tan.
The Zozam Times thudawn danin Lakhimpur Battalion tia hriat ni bawk, 23 Sector Assam Rifles hnuaia 2nd Battalion Assam Rifles chuan nimin khan an commandant Col. Mikesh Sauhta hovin lirthei lian leh tê hmangin Mizoram chhuahsan tanin Silchar an pan a, rel hmangin an awmna thar tur, Jammu & Jashmir an pan dawn nia hriat a ni.
Assam Rifles hi group thumah inthenin hmanni lawk khan ‘advance party’ tia sawi, Group 1 chuan Srinagar an lo pan tawh a. Nimina chhuakte chu Group 2 niin, a hlawmpui ber an ni a, sipai 600-700 vel nia sawi a ni.
Sipai 200 vel awmna Group 3 pawhin Mizoram chhuahsanin Srinagar an pan hnai nia hriat a ni.
Thudawnna chuan Lakhimpur Battalion-te hi anmahni thlak turin 34th Battalion Assam Rifles-ten tur Srinagar atangin Mizoram an pan dawn a. Wussan Battalion tia hriat ni bawkte hian Sipai Lammual lam pan tawh lovin an awmna thar tur, Zokhawsang an pan dawn a, helai hmunah hian an inbengbel tawh dawn niin a sawi bawk.