Band lar tak Lady A singer Hillary Scott chuan thuthar rawn nei lehin, tun tum chu hla thar lam ni lovin a rai thu a ni.
Kum 38 mi Lady A singer hian a pasal, an member ami tho Chris Tyrrell nen fanu pathum nei tawhin, tunah hian an fanu palina tur a pai mek thu a sawi a, thu lawmawm tak a nih thu a Instagram-ah a tarlang.
Scott hian friendship bracelets buna kut pathum awm tarlangin, ‘big sister’ tiin caption a siam a, a bulah chuan a naupai lanna a tarlang tel zeuh bawk.
Scott leh Tyrrell te hian fanu hlir pathum nei tawhin, tunah hian a palina turin fanu tho an neih tur thu an sawi a, kumin nipui laia an chhungkua chu an famkim lehzual tawh dawn thu an sawi a ni.
Lady A angin hla thar la nei leh thei chiah lo mah se, band chhungkaw tan chuan thu lawmawm dang a ni hrim hrim a, a naupai tha taka a neih a, a leikang deuh chuan hla thar an rawn nei leh thuai rin a ni.