Aizawl: Council of Churches in Mizoram (CCM) executive committee meeting chuan kum 2025-2026 budget estimate atan Rs 3,91,000 dah.
Tun hnaia CCM Executive Committee meeting vawi hnihna, Evangelical Church of Maraland, Siaha-a neih chu CCM President Rev. Dr. R. Lalbiakliana’n a kaihruaia; General Secretary Rev. Lalrodinpuia LS Nghaling (IKK)-in report tlangpui a pe a. Treasurer Upa R. Malsawma (MPC)-in sum dinhmun tlangpui a pe bawk.
Thutkhawmah hian Common Project (CCM Dan bung 10) chungchang sawi leh Rule of Committee neih chung chang chu working committee kut-ah dah mai ni se tih te, CCM Day of Prayer (26.10.2025) hman dan tur leh kohhran tlawh dan tur chungchang chu general secretary-in ruahmanna lo siam se tih te, CCM office lam buaipui turin CCM website siam nise tih te, consultation/workshop/seminar hi kum khatah vawi hnih emaw, vawi thum emaw, tal neih thin an rel bakah, kum 2025-2026 budget estimate siamin Rs 3,91,000 dah a ni.