- Dr. C. Lalrampana
A KAMKÊUNA
Kumin April 15, 2025 thleng khaikhinin India leh China mipui tam zawng chu India 1.464 billion niin China hi 1.416 billion a ni a, India hian China hi vbc 48 zetin a khûm tawh a ni. Thil siam chhuaktu company hrang hrang tan pawh sumdawnna hmun atan India hi a thlanawm tawh zawk ngeiin a rinawm. Hetih lai hian ram hausak zawng dunhmun thlir erawh chuan India hian China hi a la phak lo hle a; chuvangin, manufacturing Company lian apiangin China-a inbunngheh an tum thin a ni. Heng ram lian 2-te economy dinhmun hi i han khaikhin teh ang.
CHINA NGE LIAN INDIA?
China leh India inkara GDP danglamna chu data thar ber ber hmangin i han enchhin dawn teh ang:
Nominal GDP: China: $18,273.36 billion. India: $3,889.13 billion Heng hi 2024 atanga chhut a ni. China GDP hi India aiin a let 4.7 velin a sang zawk a ni. PPP GDP-China: $37,072.09 billion India: $16,019.97 billion 2024 atanga chhut a ni. China rama PPP GDP hi India aiin a let 2.31 velin a lian zawk a ni. GDP per capita:
China: Kum 2024 khan $12,969 (nominal), $ 26,310 (PPP) a ni a. India: Kum 2024 khan $2,698 (nominal), $11,112 (PPP) a ni.
China per capita GDP hi India aiin a let 4.81 zetin a sang zawk a, PPP term-ah chuan a let 2.37 zetin a sang zawk bawk. GDP a than dan: China: 4.824% a ni.
India: 7.021% a ni. 2024-anga chhut a ni. India GDP growth rate hian China a phak lo hle a, projection ?henkhat chuan India chu kum 2027-ah chuan economy lian ber pathumna a ni thei dawn niin a sawi. Hetiang khawpa inthlau a nih avang hian China hi sumdawn nan a thlanawm zawk hle a bi. Mahse, India pawh hi a thang chak hle a, PM modi-a’n India rama sumdawngte a fuihnaah quality tha leh rintlak siam ve thei tura tan la thar turin a ngen a. Hei vang hian Smartphone lamah tan an la nasa hle a, chuvangin, khawvela smartphone thawn chhuak hnem ber a lo ni ta a ni. Fiscal year 2024-25 chhung khan India smartphone export chu ?. 2 lakh crore record sang ber a ni a, hei hi kum 2023-24 aiin 55% zetin a pung niin Hindu chuan a tarlang. Hei hian smartphones India-atanga thawnchhuah (export) lian ber nihna dinhmun neih phah ta a ni. Smartphone export-a a pun chhan ber chu kum 2020-a production-linked incentive (PLI) scheme an kalpui vang a ni a, PLI scheme hian India chu ramdang atanga bungraw lakluh (import)-a a innghahna tihtlem leh export tihpun a nih theih nana tan a lak nasat vang a ni. Apple hi India smartphone export-na atana thawhhlawk ber a ni a, iPhone hian thil thawn chhuah zawng zawng zinga 70% vel an hauh pha a ni. India rama smartphone thawnchhuah hian hna thar nuai tam tak a siam phah a, a bik takin hmeichhiate tan a siam atangkai lehzual a ni. India rama mobile phone thawnchhuak tam ber chu Infinix, Refurbished Apple, Sony, leh Lava-te an ni. India ram pawna an thawnchhuah model leh brand lar ber berte chu Realme C series, Vivo, Oppo, Samsung, Xiaomi, OnePlus leh iPhone te an ni. India Cellular and Electronics Association (ICEA) chuan cost competitiveness, infrastructure, logistics, leh tariffs nena inzawm harsatna awm mekte chu a tarlang a ni. ICEA hian India ram hi electronics siam leh thil thar siamna kawnga khawvel pum huapa hmahruaitu anga din a tum a ni.
A TLÂNGKAWMNA
India hi a thang chak hle a, kum 2027-ah phei chuan ram intodelh leh changkang tehnaah pathumna kan ni pha dawn a ni. GDP nei sang ber ram 5-te hetiangin thlir ila: 1. United States: GDP : $tld 30.34 vel a nih avangin US chuan khawvela economy lian ber nihna a hauh reng a ni. A economy chak tak chu infrastructure hmasawn tak, hnathawk thiam tak tak, leh entrepreneurship culture-in a hruai a ni. 2. China: China economy hi $19.53 trillion vel a ni a, hei hian khawvel economy lian ber pahnihna a nihtir a. China ram sum leh pai lama hmasawnna chu thil siamchhuahna, thil thawn chhuah, leh middle class lo thang chak tak takte hmangin a thang duang hle a ni. 3. Germany: Germany GDP hi $4.92 trillion vel a ni a, source thenkhat chuan kum 2024 khan $4.59 trillion niin an chhut a, khawvel pumah economy lian ber pathumna a ni. Germany hian Europe ram economy a kaihruai a, tun hnaiah hmasawnna a nei tlem hle. 4. Japan: Japan rama GDP hi $4.39 trillion vel a ni a (or $4.11 trillion 2024), khawvel pumah palina a ni. Japan economy hi thil siam chhuahna lama hmasawnna nasa tak leh consumer market chak tak chuan a thlawp tha hle a ni.
- India: India economy hian GR a nei a. India economy chu $tld 4.27 vel a ni tawh a, $4.27 trillion (or $3.94 trillion 2024) a ni a, khawvel pumah pangana a ni. India hi kum 2024 chhung hian 7.0% zetin a thang dawn niin an sawi a, hei hi thalai hnathawk leh consumer base zau zawk a kalpui nasat vang a ni. British sawrkarin India ram leilung hausakna a lak dak vek hnuah August 15, 1947 atang khan India a in dang ve chauh a, heti chung hian khawvel ram thang duang 5-naah a ding thei a, tunah pheih chuan smartphone thawn chhuak hnem ber a lo ni ta hial a ni. Chuvangin, kan ram India hi zahpui mai lovin i ngaihlu sauh sauh ang u.