Greece-ah a kuta a ken a bomb puak avangin hmeichhia a thi tih police-in an sawi.
Hmar lama Thessaloniki khawpuia bank kawta a din laiin Inrinni hma takah khan a bomb hi a tipuak a. Officer-te chuan pawisa pek chhuahna bula kam tuma inruahman a nih an rin thu an sawi.
Kum 38 mi, a hming an puan loh hi a hmain bank rawk avangin lung inah a tang tawh tih police thupuangtu chuan Greece-a Skai TV hnenah a sawi.
Chanchinbu thenkhat chuan amah hi tuna mi beih leh mi rawk avanga lung ina dah mek kal firfiak pawlte nen inzawmna nei nia a lan thu an tar lang hlawm.
Inrinnia thil thleng hi Greece-a an khawpui lian ber pahnihna, Thessaloniki lailia mihring tamna laia bank branch pakhata mi a ni a. Video-a a lan dan chuan a bul vela in leh lirthei dingte pawh a chhe nual hlawm.
Hmeichhia hi a kuta hliam nasa tak tuar chungin damdawi inah lak ni mah se a thi zui a ni.
Greece-ah hian mi sual pawlin mi an bomb leh an thah hi a thleng fo tawh a. Kum 1970 chho vel atang khan anarchist pawl hrang hrangte chu tharum thawha chet an ching hle a ni.