Sawi sep an kai a, media te umzui an nih tawh chuan inthup reng a har tawhte a ni ta ve ang, Tom Cruise leh a chhailai di thar nia sawi Ana de Armas te chu New England lamah chawlh an hmang dun lai hmuh an ni leh ta.
Media thenkhat tarlan dan chuan an pahnih hian nuam an ti hle a, kum 37 mi de Armas phei hi chu a hlim hmel tak zet, an ti.
An pahnih hian lemchan lama sulhnu lian nei tawh ve ve an nih avangin project hrang hrang an ngah dun chho hle a, an inhmuh theih hun lai hi am taka hman dun an tum nia sawi an ni a, an shooting schedule ve ve a chhuah hmain am takin hun an hmang mek nia sawi an ni.
de Armas-i chuan Tom nena movie siamdun chu a chak hle tih a lo sawi tawh bawk niin an sawi a, kum 63 mi actor hi theihna sang tak nei a nih avangin amahah engkim zir belh tur a la nei niin a lo sawi tawh bawk.
Cruise leh de Armas te hian England lamah helicopter hmangin hlim taka an leng dun lai hmuh an ni a, tun hnai khan Spain lamah lawng a an leng dun hmuh ni bawkin, London-ah Oasis concert an en lai hmuh an lo ni tawh bawk a ni.