MZI Gen. Hqrs. buatsaih Inter High school & Higher Secondary School beat contest top 10 result chu nizan, ningani khan puan a ni a. District hrang hranga school hrang hrang atangin band 31-in demo an thehluh chu endik a nih hnuah point inang an awm avangin top 10-ah hian band 10 an lang ta a ni.
Inter High school & Higher Secondary School beat contest 2025 top 10 te chu (serial no. indawt dana dah a ni :
- Serial no 3 – 31st Avenue, St Paul’s HSS, Aizawl
- Serial no 5 – Dual Invertion, St Paul’s HSS, Aizawl
- Serial no 6 – Holy Diver Band, Govt Mizo HSS, Aizawl
- Serial no 11 – Group One, CLS Academy, Aizawl
- Serial no 12 – The Starter Pack, Helen Lowry HSS, Aizawl
- Serial no 15 – Da Century Band, Govt. Mizo HSS, Aizawl
- Serial no 16 – SEGNO, Govt Saitual HS, Saitual
- Serial no 19 – Christ Kingdom School,
- Serial no 20 – Pine Mount HSS, Aizawl
- Serial no 25 – Staine’s Memorial School, Aizawl
- Serial no 26 – Sainik School, Chhingchhip
- Serial no 27 – Baptist HSS, Lunglei te an ni.
Top 10 te hi tun thla – August ni 14, 2025 ah DMC, Pipu Tlang, Dawrpui-ah an inel dawn a. Hemi ni vek hian result puangin lawmman sem zui nghal a ni ang. Pakhatna-in Rs. 50,000 an dawng anga, pahnihna-in Rs. 30,000 dawngin, pathumna-in Rs. 20,000 an dawng ang.
He inelna endiktute hi Mizo musician zinga tha leh langsar ber ter te an ni hlawm a. Judge te ; HS Lalruatliana (Boom-a); Patea (Magdalene) Samuela (To Coda) leh Rema (To Coda) te an ni. RK Duhkima leh Nunui Rualhleng te he inelna final chu a kaihhruai dawn bawk.
He inelnaa-ah hian student ID bakah Permanent Education Number (PEN) nei ngei te chauh tel phalsak an ni.