AZL: AMC Ward 14 Corporator Ramthanzauvi’n nimin khan a bial chhung Khatla South-a Primary School a tlawh.
Sikul a tlawhnaah hian Corporator Ramthanzauvi chuan tun laiin private sikul te chhung tinin an bawh deuh vek tawh mah se, mi harsa zawkte luhna sorkar sikul hlamchhiah theih a nih loh thu a sawi.
Tuna sorkar hnathawk lian leh mi thiam tak takte hi sorkar sikul chhuak deuh vek zawk an ni a. Khatla South Primary School pawh sorkar sikul zinga chhuanawm leh tan la ber zinga mi an nih avangin chhuanawm a tih thu a sawi.
Khatla South Primary School thuneituten an mamawh refrigeartor chu pek a tiam bawk.
Khatla South Primary School-ah hian zirlai 44 (mipa 17 leh hmeichhia 27) an awm a, zirtirtu pasarihin an enkawl mek a ni.
Ramthanzauvi hian Khatla South MUP hruaitute kawm bawkin, an building tur sak bul tan mek puihna atan Rs 50,000 a hlan bawk.