Punjab-a 75th Junior (Boys) Nationals Basketball Championship-ah Mizoram chuan Level 2 final-ah Thawhtanni khan Himachal Pradesh inhmachhawnin 51-69-in an chak lo.
Kum 18 hnuai lam tana Basketball Federation of India (BFI) buatsaih inelna hi Ludhiana Basketball Academy, Guru Nanak Stadium, Ludhiana-ah Thawhlehni atanga khelh tan niin Mizo rawltharte hian Group C-ah vawi li khelhah vawi thum hnehna changin Level 1 an kai pha lo.
Level 2 knockout round an khel zui a. Jammu & Kashmir lakah 61-40-a hnehna chang nghalin semifinal an lut a. Semifinal hi Pathianni tuk khan khel zuiin Uttarakhand lakah 57-65-in hnehna an chang leh a, final hi an lut ta a ni.