Lemchan thiam Jennifer Aniston chu malin a awm reng bik lo a, a ngaihzawng thar nia sawi Jim Curtis nen an inzui lai hmutu an awm leh tawh.
An pahnih hian July thla atang khan an inkawp tan nia sawi an ni a, kartawp khan zanriah an eidun lai hmuh niin, kum 56 mi Aniston pawh a la inchei nula hle.
Aniston thian hnaite chuan Curtis-a bulah hian a hlim a, a thla a muang a, hmun ropui taka awm ang mai niin a inhria, an ti.
August thla khan a thian hnai tak takte chu Curtis hi hmelhriattirin, New York City leh L.A. lamah hun an hmang niin Aniston thian hnai tak takte chuan an sawi.
Kartawp khan New York-a West Village-ah Jason Bateman leh a nupui Amanda Anka te nen double date neiin, hemi tuma an lut leh chhuak lam hi hmutu an lo awm nual a ni.