Mizoram Merchant Association (MIMA) leh North East Transporter chuan nakkum furpui lo thlen hma ngeia Aizawl leh Silchar inkar kawng a chhe leh a nih chuan Mizorama bungraw phurh lut lo tura hma lak hial an rel.
Tun hnaia MIMA pisaa MIMA leh North East Transporter hruaitute thukhawm chuan kawngpui chhia avanga harsatna an tawh hrang hrangte an sawi ho va. An harsatna sukiang tura tanrual a ngaih dan te an sawi ho.
Thutkhawmah hian Silchar leh Aizawl inkar kawngpui, NH 306/06 kawng siam tha tura NHIDCL an ngen thin chuan awmzia a nei lo va, fur a lo thlenin bungraw phur lirtheite tan him lo khawpin kawng a chhe leh thin a. Hemi chungchangah tun atangin sorkar leh NHIDCL te, nakkum firpui lo thlen hma ngeia tha taka siam ngei tura ngen nise, chuti chunga kawngpui chu a chhe leh a nih chuan fur chhunga bungrua phurh loh hiala hmalak nise an ti.
An inkawmnaah hian Transporter-te hi hnam dang an ni tlangpui a, Mizo tawng thiam loh nen loading & unloading-ah harsatna an tawk fo tih an sawi a. Hemi chungchangah anmahni dawrtute bungrua an dah dawnah kawng zau lai thlan theih hram ni se, traffic-ah buaina an nei anih chuan anmahni dawrtute’n biak sak theih ni se, traffic duty te pawhin a theih chinah lo ngaihnathiam turin an ngen nghal a ni.