A MIT AH TAK EN RAWH
Hei hi hrereng la, a nu chungchang leh atana a pawimawh zia a sawi laia a âwmbawr vel ringawt i lo thlir chuan, i chantawk chu tah leh hathial a ni mai!
ZAHPUIAWM SUH
Hmeichhiate hian an bialpate hi ‘fresh’ tak, rimtui bawk si-a hmuh leh hriat an châk reng thin a, hei hian hmui leh khabe hmul tihfai ringawt kha a kawk lova, i sam enkawl dan te pawh khan kawngro a su hle.
ZEI TAKIN AW…
Hmeichhiate hian hmanlaia an chindan pawh hi sengluh an hreh lo. Coat hak laia lo puih emaw ruahsur laia nihliap khumtir vat vat te, kawngkhar hawnsak te adt. Hengte hi thil pangngai, mahse tun thlenga tangkai em emte an ni
A THIANTE HLAMCHHIAH SUH
A thiante leh a chhungte pawhin an ngainat em em, bialpa neih hi an thlahlel em em thin. A thiante pawh bia la, lamtangah te pawh siam ta che. An rilru i hneh poh leh i bialnu lakah i tlatlum dawn tihna a ni e.
PHONE NGAIHSAK SUH
“Mi pawimawi tak nen kan inbe mek a,” tih phaha phone call lo hnar let zaih hi bialnu te nena inbiak laklawh lai chuan a baka hmanraw tha a awm lo. Lemchan buai chiam erawh a \ul kher lo thei.
FAKNA AWKÂ
A inchei dan leh a lan dan kha thinlung takin fak rawh. “I kawr hak chu i inhmeh hle mai, i duhawm tawp, ka hai lek lek che a lawm” tih maite pawh hian kawng zahve a thlenpui thei che tih ringhlel suh!
A NGAIHDAN LA RAWH
Hei hian i ngaihpawimawhna leh i rinngamna a lantir a, chutih laiin, engmah hre lo lutuk leh kalhmang man lo lutuk awm a tihchi reng reng lo tih i hre tel dawn nia. I hawi harh ve deuh a ngai ang.
THINLUNG TAKIN AW
A bula awm nawm zia te, a thlamuan thlak zia te thinlung takin han hrilh la, chu thu lawmawm tak mai chuan a pumin a fanchhuak nghal ang. A nuna hlim-awm a tih te, amah tilawm a, tihlim em em thinte zawh a, sawipuina hian a chhungril a tilawm veng veng thin ti hi hre dawn nia.