Manchester United-a goal a thun theih loh avanga sawi hlawh, Rasmus Hojlund chuan Champions League lamah hnehna a chanpui hnuin Serie A-ah Napoli a chakpui leh a, hmahruaitu a nihpui mek.
Pathianni zanah Napoli hian Genoa an mikhual a, Jeff Ekhator hmangin mikhualin hma an hruai a, Andre-Frank Zambo Anguissa-a’n Napoli si phurh a rul a, hun tawp dawn minute 15 a la awmin Hojlund chuan chakna goal a khung a, 2-1-in an chak.
Kar laihawl Champions League-ah Napoli hian 2-1 bawkin Sporting CP an hneh a, Hojlund chuan goal hnih a khung a. Tun season-ah Napoli tan goal li a khung ta a, Denmark tan goal khat a khung tawh bawk.
Hnehna an chan avang hian Serie A-ah Napoli chuan point 15 an hlawhchhuak ta a, Roma pawhin point 15 bawk nei mah se goal difference-ah Naples khawpui club hi a chungnung zawk an nih avangin hmahruaitu an ni leh ta a ni.