Mexico-a tui lian nasa takah mi 27 vel thiin mi dang tam tak chin hriat lohvin an la awm bawk tih thuneituten an sawi a. Hmun tam takah lei a min a, chenna in chia, lirthei leh lei tuiin a lak a tam hle bawk.
Ningani leh Zirtawpni khan nasa taka ruah surin luite a tilian a. Khawchhak lama Hidalgo chu a tuar na ber niin mi 16 an thi nia sawi ani.
Chenna in sang tel chhia a awm a, kawtthlerah tui chak taka luangin lirthei a len a, hnelin kawngpui hnawhin electricity pawh a awm lo.
President Claudia Sheinbaum-i chuan kawngpui thiana chhawmdawlna hna thawk turin mi 5,400 tirh an nih thu a sawi a. “Mipuite puiin kan thawk mek a, kawngpui tihtlang leh electrical service pek leh thuai tuma buaipui a ni,” a ti.
Lawng sipai 3,300 rualin insaseng ngaite an puih bakah tui lenna hmuna hnawkte an thian bawk.
Puebla state Governor Alejandro Armenta-a chuan mi pakua thi awm thu leh chi hriat loh panga an awm thu a sawi a. An state-ah hian khaw awm dan uchuak tak chu mi 80,000 velin an tuar niin a sawi.
Veracruz-ah mi pahnih an thi bawk.
“Hetiang lo thleng tur atan hian tumah lo inring lawk kan awm lo,” tiin a tuartu zinga pakhat, coffee dawr neitu, Jose Cervantes-a chuan Reuters news agency a hrilh.
“Tui lian hi metre khat leh a chanve vel laia sang a ni a. Engkim a chim a, chaw ei pindan leh kan thingpui dawr pum, choka, inbualna, games khelhna leh mi mal hmun pawh a chim vek,” a ti.