Kum 56 mi zaithiam Jennifer Lopez leh kum 53 mi lemchan thiam Ben Affleck te chu tum hnih an inneih hnuah inthenfel leh tawh mah se, ‘Kiss of the Spider Woman’ ah an thawk zui dun.
Kiss of the Spider Woman tlangzarhnaah hian Lopez chuan zawhnate tha taka chhangin, chhungkaw din leh tumna lam kan sawi lo a, kan hna ve ve tha takin kan thawk dun a, mah se a chang chuan lang dun tura insiamrem thiam a har thin khawp mai, a ti.
“Ben nena thawh dun hi a nuam a, a hlim thei a, amaha engmah danglam a awm lo. A mize ngai a pu a, a rilru a la tha reng a, kan chanvo tha taka kan hlen dun thei hi kan lawm hle a ni,” a ti bawk.
Lopez leh Affleck te hi kum 2002 atang khan inzui tanin, an inkawp chawt a, kum 2004 khan an inthen a ni. An inthen hnu hian kawppui dang an nei zui ve ve bawk.
Lopez hi kum 2004 atanga kum 2014 thleng khan Marc Anthony nen innei zuiin, fa phir Max leh Emme an nei a, Affleck pawh hian Jennifer Garner chu kum 2005 atanga 2018 thleng neiin, fa pathum – Violet, Seraphina leh Samuel an nei a ni.
Kawppuite an then ve ve hnuah kum 2021 khan an pahnih hian inkawp tha lehin, July 2022 khan Las Vegas-a an innei leh a, kum hnih a liam awrh tihin Lopez hian inthenna lehkha thehlutin, an inkar hi a tawp zui leh ta bawk.
Kiss of the Spider Woman-ah hian Lopez hian main role changin, Affleck hi executive producer a ni a, October ni 10 khan theater-ah chhuah tan a ni.