Pep Guardiola chuan Liverpool emaw, Arsenal emaw chu Premier League champion an nih ngat chuan pawisa an hman hnem vang a nih tur thu a sawi.
Liverpool chu season kal meka league-ah vawi sarih inlan tawhin vawi nga an chak tawh a, vawi hnih tlawmin pahnihna an ni mek a. Nipui bazarah khan Alexander Isak, Florian Wirtz, Hugo Ekitike, Jeremie Frimpong, Milos Kerkez leh Giovanni Leoni te lak luh nan £ maktaduai 400 chuang an hmang a ni.
Hetih lai hian Arsenal pawhin Viktor Gyokeres, Eberechi Eze, Martin Zubimendi, Noni Madueke, Cristhian Mosquera, Christian Norgaard, Kepa Arrizabalaga leh Piero Hincapie te an la lut a, an inseng viau bawk a, tunah hian khelh sarihah hma an hruai mek bawk.
Manchester City boss Guardiola chuan, “Ka thian pa, Mikel Arteta hian league nomawi a la a nih chuan a player-te thawhrim vang a ni lo ang a, pawisa a hman hnem vang liau liau a ni ang,” a ti.
“Liverpool pawh chutiang bawk chu an ni a, Arne Slot hian a champion-pui leh a nih chuan pawisa a hman hnem vang a ni dawn chiang bawk,” a ti a ni.