Assam Rifles-in Zirtawpni khan Champhai district-a Saikhumphai ram chhungah ramhnuaia thuhruk ralthuam thahnem tak an man.
Assam Rifles hian an thu dawn bawhzuiin Saikhumphai khaw ramah ralthuam dap beihpui an thlakna atangin 60mm Mortar Tube with Base Plate paruk; Myanmar siam Assault Rifles pahnih; Shot Gun pathum, Hand Grenade pakhat, silaimu 7.62 mm 40 leh 60mm 50 bakah radio set hnih an hmu chhuak a ni.
Assam Rifles-in ralthuam an man hi dan anga hmalak zui atan Dungtlang Police Station-ah an hlan a ni.
Inrinni khan an thudawn bawhzuiin Assam Rifles chuan Zokhawtharag silai zen kg 27.60 chu Zokhawtharah an man.
Assam Rifles hian Myanmar lam atanga Mizoram pana bawm nena mi pakhat kal chu an rinhlelh avangin lo tihdan an tum a, bawm kengtu hian a bawm ken thlauhin Myanmar lamah a tlan chhe nghal.
Bawm an endik hnuah silai zen kg 27.60 an hmu chhuak a, Zokhawthar Police hnenah an hlan a ni.