Ni hnih liam ta chhungin Manipur-ah venhim hna thawktute chuan kumtlinglo telin hel pawl hrang hranga mi pakua, mi pawisa chhuhsak leh dan bawhchhiatna danga inhnamhnawih an man tih Pathianni khan an sawi.
Police chuan People’s Revolutionary Party of Kangleipak (PREPAK) mi pahnih, Revolutionary People’s Front/People’s Liberation Army (RPF/PLA) mi panga, Kangleipak Communist Party–People’s War Group [KCP (PWG)] leh Kangleipak Communist Party [KCP (Ibungo Ngangom)] pawla mi pakhat ve ve an man tih ans awi.
PREPAK mi pahnih an man hi Imphal West leh Bishnupur district-a an mante an ni a. “Mitlang tih leh Nanao tia koh, Polrel Pebam Nikesh (28) hi Kwakeithel Mayal Kolbl Ningthoujam Leikai-a cheng niin Oinam Maipak Meitei (48) hi Bishnupur district-a Thanga Chingkha Khwalrakpam Leikai-a cheng a ni thung a, an chennaah man ve ve an ni,” tiin officer-in a sawi.
Inrinni khan RPF/PLA mi pahnih — Nanao leh Momosana tia koh, Vishal Achom (24), Sagolband Moirang Leirak leh Thembung tia koh, Maibam Rocky (38), Sagolband Mabudhou Mantri Leikai mite chu Imphal West district-ah an man.
“An kut atang hian .32 pistol leh a magazine, improvised explosive device (IED) pakhat leh a deh puahna, mobile handset pahnih leh Aadhaar card pahnih man tel a ni,” a ti.
Zirtawpni khan venhim hna thawktu pawl hrang hrang tanghoten kumtlinglo telin Imphal hmun hrang hrangah mi an man bawk a. “Changangei Awang Leikai-a cheng, Bihari tia an koh, Wangkhem Reeshav Singh (22) chu Minuthong bulah man a ni a. Top Awang Leikai-a cheng, Poirei tia koh, Poireisana Yumnam (24) chu Imphal East district-a an inah man a ni,” tiin officer-in a sawi.
KCP (PWG) leh KCP (Ibungo Ngangom) pawla mi pahnih chu Zirtawpni khan man an ni a. “Jiribam Gulathon-a cheng, Watemba tia koh, Urikhinbam Malemnganba Meitei (31) chu Thongju Part II-a a chenna, Kono Khongnang Khong bul, Imphal West district-ah man a ni a. Ronaldo Maibam (25) pawh Hiyanglam Awang Leikai, Kakching district-a an inah man a ni.
Police officer chuan an mi mante hi mi pawisa laksak leh thil sual dang tih kaihhnawiha mante bek an ni a. KCP (Ibungo Ngangom) pawla mi erawh Imphal West-a Lamdeng Khunou-a dan a bawhchhiatna, hun rei deuh kal tawha mi kaihhnawiha man a ni tih a sawi.
“An zavai hian an an telna pawla mi dangte nena an inzawm dan hriat tum leh Manipur phaizawla tun hnaia an chetnate hriat chhuah tumin thu zawh fiah mek an ni,” a ti.