BJP Mizoram-in Kanghmun Community Hall-a vantlang inkhawm an buatsaihah Dampa bial by-election atana BJP Star Campaigner K Hrahmo, MLA chuan ZPM-in MLA an mamawh belh tawh lo tih sawiin, tunah hian a tlin leh tlin lohvin kawngro a su dawn lo tih a sawi.
Palak bialtu MLA chuan MNF candidate hi Hnahthial lamin an hnawl tawh a ni a, thlan tlin ni mah se central-ah engmah tihpui theih tak tak a neih dawn loh thu a sawi.
ZPM chungchang pawh sawiin K Hrahmo chuan, state-ah sorkar mah se, BJP angin state rethei atanga development beisei chu thil harsa tak a nih dawn avangin, ZPM hian MLA an mamawh belh tawh lo tih sawiin, “Tunah hian a tlin leh tlin lohvin kawngro a sur dawn loh avangin, a hmaa tling zo tawh lo kha an dah nawn leh ta a ni,” a ti.
K Hrahmo chuan Delhi leh Dampa thlunzawm a pawimawh tih sawiin, BJP party chu central ruling party an nih angin mipui mamawh pe chhuaktu zawk an nih avangin, tuna an harsatna tawh tam tak sut kian a nih theihnan BJP official candidate Lalhmingthanga an vote a ngai thung dawn tih a sawi.