Premier League thuneitute chuan kumin Boxing Day-ah inkhel pakhat chauh an ruahman a, December 26 chu Zirtawpni a ni bawk nen, he mi niah hian Manchester United leh Newcastle United te chiah an inkhel dawn.
Boxing Day-ah hian Manchester United chuan Old Trafford-ah Newcastle United an mikhual ang a, tun tum hi Boxing Day-a an inhmachhawn vawi lina a ni dawn a. A hmaa an lo inkhelh tawhah Manchester club hi an la chak zawk ziah.
Inrinni leh Pathianniah chuan inkhel dang a awm nual dawn a. Kum hlui thlah niah inkhel an awm dawn lo a, kar laihawla inkhel ve ta lo an awm ang a, inkhelh pali khelh hmabak chu kum thar niah an khel hlawm dawn a ni.