Aizawl: Chief Minister Special Pakage thawh hnihnaah dilna thar 34,384 a lut leh tawh.
Mizoram State Policy Coordination Committee te chu an Chairman Lalduhoma, Chief Minister hovin a office-ah an thukhawm a. Hand Holding hmalakna kal mekte an thlir letin, Loan Component hnuaia Progress Partner tura thlante thlen chin leh Bank te nena thawhhona te, thawhpui tur Bank neih belh tura hmalakna te leh CM Special Package dilna lut tawh vawiin thlenga endik chinte an enho a ni.
Thutkhawma tar lan a nih danin, CM Special Package thawh hnihnaah hian dilna thar 34,384 a lut leh tawh a. Pilot Phase-ah Bank ten loan component progress partner mi 243 te hnenah loan an pe tawh a, pending 262 an awm mek. A thawh hnihnaah he component-ah hian dilna 302 a lut leh tawh a ni.