Canadian singer-songwriter Carly Rae Jepsen chuan nau pai thu lawm taka puangin, a IG lamah a tarlang.
A pasal Cole M.G.N (a hming tak Cole Marsden Greif-Neil) bula thuin, a dul tilangin, chhuang takin a nau pai hi a tarlang a, ‘Oh..hi..baby’ tiin, caption a dah a ni.
Anni pahnih hi nikum september thla khan inhualin, an inzui deuh chawt a, October ni 4 ah an innei a ni.
An pahnih hian kum 2023 a an album The Loveliest Time-a an thawhdun atanga inngaina zual chhoin, an inzui nghet tan a, an inneih phah ta hial niin hun hmasa lama an kawmnaah Jepsen hian a lo sawi tawh bawk.
An fa hmasa ber tur an pai hnu phei hi chuan an hlim dun hle a, an chhungkaw member thar tur chu theihtawpa lo hmuak a, an lo inbuatsaih thu an sawi a, an social media account hrang hrangah an hlimna an tarlang nasa hle a ni.