Aizawl: Adviser to Chief Minister (Finance) TBC Lalvenchhunga chuan state sorkar pawmpuina tel lo chuan central hian sanction a siam thei lo tih a sawi.
ZPM Thalai Headquarters ruahmannain Bawngthah, South Sabual leh darlung-a Dampa bial by-election puala ‘Street Campaign’ neihaah thu sawiin TBC Lalvenchhunga chuan, tun by-election campaign-naah eptu party ten state sorkar thlawhkhumin, bial chhungah central atangin development project hui lut thei angin an insawi tih sawiin, “State sorkar pawmpuina tel lo chuan central hian sanction a siam thei lo a ni,” a ti.
Aizawl West I bialtu MLA TBC Lalvenchhunga chuan October ni 29, 2025-a Union Minister of State Jitender Singh-a’n Mizoram BJP Office-a thu thar thehdarhtute a hmachhawnnaah pawh state kaltlang lo chuan project sanction a awm theih loh thu chiang takin a sawi tih sawiin, Dampa biala project lian hui lut turin state-a sorkar mek ZPM Candidate Vanlalsailova chu vote tling ngei turin mipuite a sawm.
Khaw pathuma vantlang inkhawm buatsaihah TBC Lalvenchhuna bakah ZPM Thalai Hqrs. President Jeje Lalpekhlua, MLA leh Lunglei North Bialtu MLA V. Malsawmtluanga te’n thu an sawi bawk.